തലശ്ശേരി: കൊളശ്ശേരി കാവുംഭാഗം ബസ് ഷെല്‍ട്ടറിനു സമീപം ആര്‍.എസ്.എസ് പ്രവര്‍ത്തകന്റെ വീടിനു മുന്നില്‍ ബോംബേറ്. ആര്‍.എസ്.എസ് സ്ഥാപിച്ച അമ്പാടി ബസ് ഷെല്‍ട്ടറും അക്രമി സംഘം തകര്‍ത്തു. ഇന്നലെ പുലര്‍ച്ചെ രണ്ടരയോടെയാണ് അക്രമമുണ്ടായത്. വാവാച്ചിമുക്കിലെ കുഴിയില്‍ വീട്ടില്‍ ശരണിന്റെ വീടിനു മുന്നിലെ റോഡിലാണ് ബോംബെറിഞ്ഞ് ഭീതിപരത്തിയത്. ആര്‍ക്കും പരുക്കില്ല. നാടന്‍ ബോംബാണ് എറിഞ്ഞതെന്നു പൊലിസ് പറഞ്ഞു. ബോംബിന്റെ അവശിഷ്ടങ്ങള്‍ റോഡില്‍ നിന്ന് പൊലിസ് ശേഖരിച്ചു. ബസ് ഷെല്‍ട്ടറിന്റെ ഇരുമ്പു തൂണുകള്‍ മുറിച്ചു മാറ്റി ഷെല്‍ട്ടര്‍ മറിച്ചിടുകയായിരുന്നു. പിന്നില്‍ സി.പി.എം പ്രവര്‍ത്തകരാണെന്ന് ബി.ജെ. പി-ആര്‍.എസ്.എസ് നേതൃത്വം ആരോപിച്ചു. പ്രദേശത്ത് പൊലിസ് കാവല്‍ ശക്തമാക്കി.