കോട്ടയം: നാഗമ്പടം ബസ്റ്റാന്റില്‍ ബസിടിച്ച് വിദ്യാര്‍ഥിനി മരിച്ചു. കൊച്ചുപറമ്പില്‍ അരുണിമ (12) ആണ് ദാരുണമായി മരിച്ചത്. കൂടെയുണ്ടായിരുന്ന അമ്മൂമ ശാന്തമ്മയെ ഗുരുതര പരുക്കുകളോടെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇന്ന് ഉച്ചയ്ക്ക് ഒന്നോടെയായിരുന്നു സംഭവം. സ്റ്റാന്റില്‍ ബസ് പിന്നോട്ടെടുക്കുന്നതിനിടെയായിരുന്നു അപകടം. അരുണിമ തല്‍ക്ഷണം മരിച്ചു.