കൊടുവള്ളി: ഉപജില്ലാ അറബി കലാമേളയില്‍ എല്‍.പി വിഭാഗത്തില്‍ കൊടുവള്ളി ജി.എം.എല്‍.പി സ്‌കൂള്‍ അഞ്ചാം തവണയും ജേതാക്കളായി.
പങ്കെടുത്ത എല്ലാ ഇനങ്ങളിലും എ ഗ്രേഡോടെ മുഴുവന്‍ പോയിന്റും ജനറല്‍ വിഭാഗത്തില്‍ അഞ്ചാം സ്ഥാനവും കരസ്ഥമാക്കി. വിദ്യാര്‍ഥികളെ പി.ടി.എ കമ്മിറ്റി അനുമോദിച്ചു. പ്രസിഡന്റ് ആര്‍.സി ഷരീഫ് അധ്യക്ഷനായി. വാര്‍ഡ് കൗണ്‍സിലര്‍ ഒ.പി റസാഖ്, കൗണ്‍സിലര്‍ ഇ.സി മുഹമ്മദ്, പി. ജലീല്‍, ഗഫൂര്‍, ഹൈറുന്നീസ, തന്‍സീറ, ഫൈസല്‍ പടനിലം, പാത്തുക്കുട്ടി, മജീദ് കരിമ്പ, ടി. മുനീര്‍, മൊയ്തീന്‍ കോയ സംസാരിച്ചു.
പ്രധാനാധ്യാപകന്‍ എം.പി മൂസ്സ ചടങ്ങിനു നേതൃത്വം നല്‍കി. വിദ്യാര്‍ഥികള്‍ കൊടുവള്ളി ടൗണില്‍ വിജയാഹ്ലാദ പ്രകടനവും നടത്തി.