തൊട്ടില്‍പ്പാലം: ടൗണിലെ നാഷണല്‍ ടവറിലെ കടയില്‍ തീപിടിത്തം. ആശ്വാസിയിലെ കെ.പി ഉസ്മാന്റെ മര്‍വ കൂള്‍ബാറിലാണ് ഇന്നലെ വൈകീട്ട് അഞ്ചോടെ തീപിടിത്തമുണ്ടായത്.
സീലിങ്, പാത്രങ്ങള്‍, വയറിങ്, ഫാന്‍, ഫ്രൂട്‌സ് എന്നിവ പൂര്‍ണമായും കത്തി നശിച്ചു. ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമായത്. കടയില്‍ നിന്നും അകാരണമായി പുക ഉയരുന്നത് കണ്ട് ഓടിക്കൂടിയ നാട്ടുകാരാണ് തീ അണച്ചത്. വിവരമറിഞ്ഞ് ചേലക്കാട്ട് നിന്ന് ഒരു യൂനിറ്റ് ഫയര്‍ഫോഴ്‌സ് സംഭവസ്ഥലത്തെത്തിയിരുന്നു. തീപിടിത്തത്തില്‍ രണ്ടുലക്ഷം രൂപയുടെ നാശനഷ്ടം കണക്കാക്കുന്നു.