മാള: കുഴൂരും ആനപ്പാറയിലും സി.പി.എം ഓഫിസുകള്‍ തകര്‍ത്തതുമായി ബന്ധപ്പെട്ട് നിരവധി ബി.ജെ.പി പ്രവര്‍ത്തകര്‍ക്കെതിരേ മാള പൊലിസ് കേസെടുത്തു. രണ്ടിടത്തും വെള്ളിയാഴ്ച രാത്രിയിലാണ് സി.പി.എമ്മിന്റെ ഓഫിസുകള്‍ തകര്‍ക്കപ്പെട്ടത്. ഇന്നലെ ഹര്‍ത്താലിനോടനുബന്ധിച്ച് മാള ടൗണില്‍ പ്രകടനം നടത്തിയ ബി.ജെ.പി പ്രവര്‍ത്തകര്‍ക്കെതിരേയും കേസ് രജിസ്റ്റര്‍ ചെയ്തിട്ടുണ്ട്. കണ്ടാലറിയാവുന്ന നിരവധി പ്രവര്‍ത്തകര്‍ക്കെതിരേയാണ് കേസെടുത്തത്.