കോട്ടക്കല്‍: അന്താരാഷ്ട്ര മണ്ണുദിനത്തോടനുബന്ധിച്ച് 'മണ്ണ് ഇച്ചീച്ചിയല്ല, മണ്ണു തന്നെ പൊന്ന് ' എന്ന ശീര്‍ഷകത്തില്‍ വിദ്യാര്‍ഥികളുടെ വാക്കത്തോണ്‍ സംഘടിപ്പിച്ചു.
വാളക്കുളം കെ.എച്ച്.എം ഹൈസ്‌കൂളിലാണ് വിദ്യാര്‍ഥികള്‍ വാക്കത്തോണ്‍ നടത്തിയത്. സ്‌കൂളിലെ ദേശീയ ഹരിതസേനക്കുകീഴില്‍ പാടവരമ്പിലൂടെയും നാട്ടുവഴികളിലൂടെയും 4 കിലോമീറ്റര്‍ നഗ്നപാദരായി മണ്ണുയാത്ര നടത്തി. പ്രദേശത്തെ മുതിര്‍ന്ന കര്‍ഷകന്‍ അബ്ബാസ് പത്തൂര്‍ ഫ്‌ളാഗ് ഓഫ് ചെയ്തു. ഹരിതസേന ജില്ലാ കോഡിനേറ്റര്‍ ഹമീദലി വാഴക്കാട് മുഖ്യാതിഥിയായി. സി.എച്ച് അക്ബര്‍, അബ്ദുല്‍ മജീദ് സി, അബ്ദുറസാഖ്, പി.കെ മുഹമ്മദ് ബഷീര്‍, ശ്രീകൃഷ്ണ ടി.പി, പവിന്‍ കെ.പി, ഫാത്തിമ സമീഹ, ആയിഷ സുറുമി എന്നിവര്‍ സംസാരിച്ചു.