കാസര്‍കോട്: അയോധ്യയിലെ ബാബരി മസ്ജിദ് വര്‍ഗീയ ഫാസിസ്റ്റുകളാല്‍ തകര്‍ക്കപ്പെട്ടതിന്റെ വാര്‍ഷിക ദിനമായ ഇന്ന് ശാഖ തലങ്ങളിലും പള്ളികളിലും പ്രാര്‍ഥനാ ദിനമായി ആചരിക്കാന്‍ ജില്ലാ പ്രസിഡന്റ് താജുദ്ധീന്‍ ദാരിമി പടന്ന ജനറല്‍ സെക്രട്ടറി ഹാരിസ് ദാരിമി ബെദിര ശാഖാ കമ്മിറ്റികളോട് ആഹ്വാനം ചെയ്തു. ബാബരി മസ്ജിദ് പുനര്‍നിര്‍മിച്ച് കൊടുത്ത് മതേതര ഇന്ത്യയുടെ യശസ് വീണ്ടെടുക്കണമെന്ന് ഇരുവരും ആവശ്യപ്പെട്ടു.ഇന്ത്യയില്‍ മുസ്്‌ലിംകള്‍ നൂറ്റാണ്ടുകളായി ആരാധനയ്ക്ക് വേണ്ടി ഉപയോഗിച്ചിരുന്ന അവരുടെ പ്രാര്‍ഥനാലയം തങ്ങളൂടെതെന്നു അവകാശപ്പെട്ടു കുറെ ആളുകള്‍ വരികയും പിന്നെ അത് തകര്‍ക്കുകയും ചെയ്തപ്പോള്‍ തകര്‍ന്നത് മുസ്‌ലിംകളുടെ ഒരു ആരാധനാലയം മാത്രമല്ല നീതിയും സൗഹാര്‍ദവും സമാധാനവുമാണന്ന് ഇരുവരും കൂട്ടി ചേര്‍ത്തു.