കാസര്‍കോട്: പൊയ്‌നാച്ചി ഹൈപ്പര്‍ മാര്‍ക്കറ്റ് കവര്‍ച്ചയിലെ രണ്ടാം പ്രതിയായ സാജിദ് എന്ന ഷാജി (42) അറസ്റ്റില്‍. കൊല്ലം ചവറ സ്വദേശിയും പടന്നക്കാട് തോണിക്കടവില്‍ സ്ഥിരതാമസക്കാരനുമായ ഇയാളെ വിദ്യാനഗര്‍ സി.ഐ ബാബു പൊരിങ്ങത്താണ് അറസ്റ്റു ചെയ്തത്. കഴിഞ്ഞ മാസം ആറിനാണ് ഹൈപ്പര്‍ മാര്‍ക്കറ്റില്‍ കവര്‍ച്ച നടന്നത്.
രണ്ടര ലക്ഷം രൂപയും സാധനങ്ങളുമാണ് മോഷ്ടിക്കപ്പെട്ടത്. ഈ കേസില്‍ ദിവസങ്ങള്‍ക്കു മുന്‍പ് ഒന്നാം പ്രതിയെ അറസ്റ്റ് ചെയ്തിരുന്നു. ഇയാളെ ചോദ്യം ചെയ്തപ്പോഴാണ് സാജിദിന്റെ പങ്ക് വെളിവായത്. ബേക്കല്‍ പൊലിസ് സ്‌റ്റേഷനില്‍ സ്ത്രീ പീഡനക്കേസില്‍ അറസ്റ്റിലായ ഇയാളെ കോടതിയില്‍ ഹാജരാക്കി പ്രൊഡക്ഷന്‍ വാറന്‍ഡ് ഉപയോഗിച്ചാണ് പ്രതിയുടെ അറസ്റ്റ് പൊലിസ് രേഖപ്പെടുത്തിയത്.