തലപ്പാടി: പി.ഡി.പി കാസര്‍കോട് ജില്ലാ കമ്മിറ്റിയുടെ നേതൃത്വത്തില്‍ തലപ്പാടിയില്‍ ഉപരോധ സമരം സംഘടിപ്പിച്ചു. ലോക മനുഷ്യാവകാശ ദിനമായ ഡിസംബര്‍ 10 ന് വയനാട് മുത്തങ്ങയില്‍ നിന്ന് ആരംഭിക്കുന്ന പി.ഡി.പി കര്‍ണാടക ബഹുജന മാര്‍ച്ചിന്റെ മുന്നോടിയായാണ് തലപ്പാടിയില്‍ റോഡ് ഉപരോധ സമരം സംഘടിപ്പിച്ചത്. സമരത്തിന് എസ്.എം. ബഷീര്‍ അഹ്മദ് മഞ്ചേശ്വരം, റഷീദ്, യൂനുസ്, അബ്ദുല്ല ബദിയടുക്ക, ഹുസൈനാര്‍ ബെണ്ടിച്ചാല്‍, എം.കെ.ഇ. അബ്ബാസ്, മൊയ്തു ബേക്കൂര്‍, അബ്ദുറഹ്മാന്‍ പുത്തിഗെ, മുഹമ്മദലി നീലേശ്വരം, അബ്ദുല്ല കുണിയ നേതൃത്വം നല്‍കി.