ഷിമോഗ: കേരളവും കര്‍ണാടകയും തമ്മിലുള്ള വിജയ് മര്‍ച്ചന്റ് ട്രോഫി അണ്ടര്‍ 16 പോരാട്ടത്തിന്റെ ആദ്യ ദിനത്തില്‍ കര്‍ണാടക എട്ടു വിക്കറ്റ് നഷ്ടത്തില്‍ 237 റണ്‍സെടുത്തു.
ടോസ് നേടി ബാറ്റിങ് തിരഞ്ഞെടുത്ത കര്‍ണാടകക്കായി നായകന്‍ ശുഭങ്ക് ഹെഗ്‌ഡെ (പുറത്താകാതെ 58) ഓപണര്‍ രോഹന്‍ പാട്ടീല്‍ (49), അനീഷ് (37) എന്നിവര്‍ ഭേദപ്പെട്ട പ്രകടനം പുറത്തെടുത്തു. കളി നിര്‍ത്തുമ്പോള്‍ നായകനൊപ്പം 14 റണ്‍സുമായി ഭാര്‍ഗവ് ക്രീസില്‍. കേരളത്തിനായി ആദിത്യ കൃഷ്ണ, കിരണ്‍ സാഗര്‍, ആകാശ് സുരേഷ് എന്നിവര്‍ രണ്ടു വീതം വിക്കറ്റുകള്‍ വീഴ്ത്തി.