തേഞ്ഞിപ്പലം: ജൂനിയര്‍ ആണ്‍കുട്ടികളുടെ പോള്‍ വോള്‍ട്ടില്‍ ആറു വര്‍ഷം പഴക്കമുള്ള റെക്കോര്‍ഡ് പഴങ്കഥയായി.
2010 ല്‍ സെന്റ് ജോര്‍ജ് കോതമംഗലത്തിന്റെ വിഷ്ണു ഉണ്ണി സ്ഥാപിച്ച റെക്കോര്‍ഡ് ഇത്തവണ മാര്‍ ബേസിലിന്റെ അനീഷ് മധുവിന് മുന്നില്‍ വഴിമാറി. 4.05 മീറ്റര്‍ ഉയരം കീഴടക്കിയാണ് അനീഷ് സ്വര്‍ണം നേടിയത്. കല്ലടി എച്ച്‌സിന്റെ എം. വിനീത് വെള്ളിയും എസ്.ഡി.വി.ബി.എച്ച.്എസ്.എസ് ആലപ്പുഴയുടെ ആകാശ് സി. ബോസ് വെങ്കലവും നേടി. 3.85 മീറ്റര്‍ ഉയരത്തിലാണ് സ്വര്‍ണത്തിനും വെള്ളിക്കുമുള്ള മത്സരം നടന്നത്. മൂന്നാം ശ്രമത്തില്‍ മാത്രമാണ് വിനീത് 3.85 മറികടന്നത്.
3.90 മീറ്ററില്‍ ഇരുവരും സലാം ചൊല്ലി. എന്നാല്‍ 3.95 മീറ്ററില്‍ വിനീത് പരാജയപ്പെട്ടതോടെ റെക്കോര്‍ഡ് അനീഷിന്റെ പേരിലായി. 4.05 മീറ്റര്‍ രണ്ടാം ശ്രമത്തില്‍ മറികടന്ന അനീഷ് 4.15 ല്‍ ചാട്ടം അവസാനിപ്പിച്ചു.