തേഞ്ഞിപ്പലം: ലോങ് ജംപില്‍ പിന്നിലായെങ്കിലും ട്രിപ്പിള്‍ ജംപിലൂടെ സ്വര്‍ണ നേട്ടം കൊയ്ത് ലിസ്ബത്ത് സങ്കടം മറന്നു. സീനിയര്‍ പെണ്‍കുട്ടികളുടെ ട്രിപ്പിള്‍ ജംപില്‍ 12.67 മീറ്റര്‍ ചാടിയാണ് ലിസ്ബത്ത് കരോലിന്‍ ജോസഫ് സ്വര്‍ണം കൊയ്തത്. പരിശീലനം മുടങ്ങിയതും പ്രതികൂലമായ കാറ്റും പുല്ലൂരാംപാറ സെന്റ് ജോസഫ്‌സ് ഹയര്‍ സെക്കന്‍ഡറി സ്‌കൂളിലെ ലിസ്ബത്തിന്റെ വിജയത്തിനു തടസമായില്ല. മികച്ച ദൂരം താണ്ടുന്നതിന് മലപ്പുറത്തെ കാറ്റ് തിരിച്ചടിയായെന്ന് ലിസ്ബത്തിന്റെ പരിശീലകന്‍ ടോമി ചെറിയാന്‍ പറഞ്ഞു.