തേഞ്ഞിപ്പലം: ഹാമര്‍ ത്രോയില്‍ നേടിയ സ്വര്‍ണത്തിലൂടെ പി.എ അതുല്യ ഡബിളടിച്ചു. മൂന്നാം ദിനം നടന്ന ജൂനിയര്‍ വിഭാഗം ഹാമര്‍ ത്രോയിലാണ് അതുല്യ 35.34 മീറ്റര്‍ ദൂരമെറിഞ്ഞ് സ്വര്‍ണം നേടിയത്.
നാട്ടിക ഗവ. ഫിഷറീസ് സ്‌കൂള്‍ താരമായ അതുല്യ കഴിഞ്ഞ ദിവസം ഡിസ്‌കസ് ത്രോയില്‍ റെക്കോര്‍ഡ് സ്വര്‍ണം നേടിയിരുന്നു. മാതിരപ്പള്ളി ഗവ. വി.എച്ച്.എസ്.എസ് താരം അനീഷ അഗസ്റ്റിന്‍ (34.42) വെള്ളിയും കോതമംഗലം മാര്‍ബേസില്‍ താരം ജി ശരണ്യ (30.85) വെങ്കലവും നേടി.