നാദാപുരം: മുടവന്തേരി കുഞ്ഞിപ്പുരമുക്കില്‍ പൊലിസ് നടത്തിയ പരിശോധനയില്‍ വടിവാളും മഴുവും പിടികൂടി. തെരഞ്ഞെടുപ്പ് വിജയാഹ്ലദത്തിനിടെ സി.പി.എം പ്രവര്‍ത്തകര്‍ ഇവിടെ സംഘര്‍ഷം സൃഷ്ടിക്കുകയും മുസ്‌ലിം ലീഗ് ഓഫിസിനു നേരെ ബോംബേറ് നടത്തുകയും ചെയ്തിരുന്നു.
ബോംബേറില്‍ ഓഫിസിന്റെ ചുമരിന് കേടുപാടുകള്‍ സംഭവിക്കുകയും ജനല്‍ ചില്ലുകള്‍ തകരുകയും ചെയ്തിട്ടുണ്ട്.
ഇതേതുടര്‍ന്ന് ഇന്നലെ കുഞ്ഞിപ്പുരമുക്കില്‍ നാദാപുരം പൊലിസും ബോംബ് സ്‌കോഡും സംയുക്തമായി നടത്തിയ പരിശോധനയിലാണ് തൊട്ടടുത്തുള്ള ചുണ്ടയില്‍ പറമ്പില്‍ നിന്ന് ഇരുമ്പ് മഴുവും വടിവാളും ലഭിച്ചത്. കണ്ടെടുത്ത ആയുധങ്ങള്‍ ഏറെ പഴക്കമില്ലാത്തതാണ്.