കൊല്ലം: കൊല്ലം ചവറയില്‍ കെ.എസ്.ആര്‍.ടി.സി ബസ് തലകീഴായി മറിഞ്ഞ് നിരവധി പേര്‍ക്ക് പരുക്കേറ്റു. ദേശീയപാതയില്‍ നീണ്ടകര ചീലാന്തിമുക്കില്‍ ഇന്ന് രാവിലെ 11 ഓടെയായിരുന്നു അപകടം. തലകീഴായി മറിഞ്ഞ ബസിലെ നിരവധി യാത്രക്കാര്‍ക്കു പരുക്കേറ്റു. വൈദ്യുതി ലൈന്‍ കടന്നുപോകുന്നതിനാല്‍ ബസ് ഉയര്‍ത്തുന്നതു ദുഷ്‌കരമായി. പ്രദേശത്ത് രക്ഷാപ്രവര്‍ത്തനം തുടരുകയാണ്. പരുക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്. അപകട കാരണം വ്യക്തമല്ല.