ന്യൂഡല്‍ഹി: സുപ്രിംകോടതിയുടെ 44ാമത്തെ ചീഫ് ജസ്റ്റിസായി ജസ്റ്റിസ് ജഗദീഷ് സിങ് കെഹാര്‍ നിയമിതനാകും. നിലവിലെ ചീഫ് ജസ്റ്റിസ് ടി.എസ് താക്കൂറിന്റെ കാലാവധി 2017 ജനുവരി മൂന്നിന് അവസാനിക്കുന്ന സാഹചര്യത്തിലാണ് 64കാരനായ ജസ്റ്റിസ് കെഹാറിനെ പരിഗണിക്കുന്നത്.
സുപ്രിംകോടതിയുടെ അഞ്ചംഗ ബെഞ്ചാണ് കെഹാറിന്റെ പേര് പരിഗണിച്ചത്.
തുടര്‍ന്ന് ജസ്റ്റിസ് താക്കൂര്‍ ഇദ്ദേഹത്തെ നിയമിക്കണമെന്നാവശ്യപ്പെട്ട് രാഷ്ട്രപതിക്ക് കത്തു നല്‍കുകയും ചെയ്തു.
സിഖ് വംശജനായ കെഹാര്‍ ജനുവരി നാലിന് ചുമതലയേല്‍ക്കും. അരുണാചലില്‍ രാഷ്ട്രപതി ഭരണമേര്‍പ്പെടുത്താനുള്ള കേന്ദ്ര സര്‍ക്കാറിന്റെ നടപടി റദ്ദാക്കിയ സുപ്രിംകോടതി ബെഞ്ചിലെ അംഗമായിരുന്നു കെഹാര്‍.