രാജപുരം: കണ്ണൂര്‍ സര്‍വകലാശാല സംഘടിപ്പിച്ച ഇന്റര്‍ കോളജ് പ്രഥമ വടംവലി ചാംപ്യന്‍ഷിപ്പില്‍ മുന്നാട് പീപ്പിള്‍സ് കോളജിന് ഇരട്ടക്കിരീടം.
രാജപുരം സെന്റ് പയസ് ടെന്‍ത് കോളജില്‍ നടന്ന മത്സരത്തില്‍ പുരുഷന്‍മാരുടെ 640 കിലോ വിഭാഗത്തിലും, വനിതകളുടെ 480 കിലോ വിഭാഗത്തിലുമാണ് മുന്നാട് പീപ്പിള്‍സ് കോളജ് ചാംപ്യന്‍മാരായത്. ഇരു വിഭാഗത്തിലും രണ്ടാം സ്ഥാനം കണ്ണൂര്‍ എസ്.എന്‍ കോളജ് നേടി. പുരുഷവിഭാഗത്തില്‍ ഡോണ്‍ ബോസ്‌ക്കോയും, വനിതാ വിഭാഗത്തില്‍ സ്‌കൂള്‍ ഓഫ് ഫിസിക്‌സ് എജ്യുക്കേഷനും മൂന്നാംസ്ഥാനത്താണ്.
ചാംപ്യന്‍ഷിപ്പ് രാജപുരം സെന്റ് പയസ് ടെന്‍ത് കോളജ് മാനേജര്‍ ഫാ. ഷാജി വടക്കേത്തൊട്ടി ഉദ്ഘാടനം ചെയ്തു. പ്രിന്‍സിപ്പല്‍ ഡോ.തോമസ് മാത്യു അധ്യക്ഷനായി. സര്‍വകലാശാല കായികവിഭാഗം മേധാവി ഡോ. പി.ടി ജോസഫ്, ആര്‍.രാമനാഥന്‍, പി.എം അബൂബക്കര്‍, ഷാജി.സി.ചാരത്ത്, പ്രൊഫ. പി രഘുനാഥ്, ഹിറ്റ്‌ലര്‍ ജോര്‍ജ് സംബന്ധിച്ചു.