മംഗളൂരു: ടാങ്കര്‍ ലോറി മറിഞ്ഞുണ്ടായ അപകടത്തില്‍ ഡ്രൈവര്‍ക്കും ക്ലീനര്‍ക്കുമടക്കം രണ്ടു പേര്‍ക്കു പരുക്ക്. ഗ്യാസുമായി പോവുകയായിരുന്ന ലോറിയാണ് പെര്‍നെ താലുക്കിലെ കടമ്പുവില്‍ വച്ച് അപകടത്തില്‍ പെട്ടത്. മൂന്നു വര്‍ഷം മുന്‍പ് 10 പേരുടെ ജീവനെടുത്ത കടമ്പു ദേശീയ പാതയിലാണ് കഴിഞ്ഞ ദിവസവും അപകടം നടന്നത്. അഗ്നിശമനാ സേനയും നാട്ടുകാരും നടത്തിയ സമയോചിതമായ രക്ഷാപ്രവര്‍ത്തനങ്ങളും ചേമ്പറില്‍ നിന്നും ഗ്യാസ് ചോരാത്തതുമാണ് വന്‍ ദുരന്തം ഒഴിവാക്കിയത്. അപകടത്തില്‍ പരുക്കേറ്റ തമിഴ്‌നാട് സ്വദേശി ഡ്രൈവര്‍ അഴകിരി സ്വാമി (30) സ്വകാര്യ ആശുപത്രിയില്‍ ചികിത്സയിലാണ്. ക്ലീനര്‍ വേലു നിസാര പരുക്കുകളോടെ രക്ഷപ്പെട്ടു. സ്ഥലം എം.എല്‍എ ശകുന്തള ഷെട്ടി, ജില്ലാ പെലിസ് മേധാവി ഭൂഷണ്‍ ജി ബോറസ്, തഹസീല്‍ദാര്‍ പുരേന്ദര്‍ ഹെഡ്‌ഗേ എന്നിവര്‍ അപകടം നടന്ന സ്ഥലം സന്ദര്‍ശിച്ചു.