ഷിമോഗ: വിജയ് മര്‍ച്ചന്റ് ട്രോഫി അണ്ടര്‍ 16 ക്രിക്കറ്റില്‍ കര്‍ണാടകക്കെതിരേ കേരളത്തിനു ബാറ്റിങ് തകര്‍ച്ച. ആദ്യ ഇന്നിങ്‌സില്‍ കര്‍ണാടക 278 റണ്‍സില്‍ പുറത്തായി. ഒന്നാം ഇന്നിങ്‌സ് തുടങ്ങിയ കേരളം രണ്ടാം ദിനം കളി നിര്‍ത്തുമ്പോള്‍ എട്ടു വിക്കറ്റ് നഷ്ടത്തില്‍ 142 റണ്‍സെന്ന നിലയില്‍ പതറുന്നു. രണ്ടു വിക്കറ്റുകള്‍ മാത്രം ശേഷിക്കേ കര്‍ണാടകയുടെ സ്‌കോറിനൊപ്പമെത്താന്‍ കേരളത്തിനു 136 റണ്‍സ് കൂടി വേണം. അഞ്ചു വിക്കറ്റുകള്‍ പിഴുത ശുഭങ്ക് ഹെഗ്‌ഡെയുടെ ബൗളിങാണ് കേരളത്തെ തകര്‍ത്തത്.
കേരളത്തിനായി ഓപണര്‍ അനന്തകൃഷ്ണന്‍ 59 റണ്‍സെടുത്തു പിടിച്ചു നിന്നു. വാലറ്റത്ത് അഭിജിത് 28 റണ്‍സെടുത്തു. കളി നിര്‍ത്തുമ്പോള്‍ ആകാശ് സുരേഷ് ആറു റണ്‍സുമായി ക്രീസില്‍.