ജക്കാര്‍ത്ത: ഇന്തോനേഷ്യയിലുണ്ടായ ശക്തമായ ഭൂചലനത്തില്‍ 54 പേര്‍ മരിച്ചു. റിക്ടര്‍ സ്‌കെയിലില്‍ 6.5 തീവ്രത രേഖപ്പെടുത്തിയ ഭൂചലനമാണ് ഉണ്ടായത്. നിരവധി പേര്‍ക്ക് പരുക്കേറ്റു. പ്രാദേശിക സമയം പുലര്‍ച്ചെ അഞ്ചോടെ പിഡെ ജയ മേഖലയിലാണ് ഭൂചലനമുണ്ടായത്.

സംഭവത്തില്‍ നിരവധി വീടുകളും കെട്ടിടങ്ങളും തകര്‍ന്നു. തകര്‍ന്ന കെട്ടിടങ്ങള്‍ക്കുള്ളില്‍ നിരവധി പേര്‍ കുടുങ്ങിക്കിടക്കുന്നതായി റിപ്പോര്‍ട്ടുണ്ട്. രക്ഷാപ്രവര്‍ത്തനം തുടരുകയാണ്.

മരണ സംഖ്യ ഇനിയും ഉയരുമെന്നാണ് വിവരങ്ങള്‍. സുനാമി മുന്നറിയിപ്പുകളില്ല.