കൊട്ടാരക്കര: 383 പൊതി കഞ്ചാവുമായി മുന്‍ കഞ്ചാവുകേസിലെ പ്രതിയെ കൊട്ടാരക്കര എക്‌സൈസ് സംഘം അറസ്റ്റ് ചെയ്തു. തലവൂര്‍ ചാമക്കാലകോളനി മംഗലത്ത് വീട്ടില്‍ പ്രകാശാ(29)ണ് അറസ്റ്റിലായത്.
കിഴക്കെതെരുവ് ഭാഗത്ത് കഞ്ചാവ് വില്‍പ്പന നടത്തുന്നതിനിടയിലാണ് പിടിയിലായത്. ഇയാള്‍ കഴിഞ്ഞ പത്തു വര്‍ഷമായി സ്‌കൂളുകളും കവലകളും കേന്ദ്രീകരിച്ച് കഞ്ചാവ് വില്‍പന നടത്തിവരികയാണെന്ന് പൊലിസ് പറഞ്ഞു. മുന്‍പ് രണ്ടു കിലോ കഞ്ചാവുമായി കൊട്ടാരക്കര പൊലിസിന്റെയും പത്തനാപുരം എക്‌സൈസിന്റേയും പിടിയിലായിട്ടുണ്ട്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു. സി.ഐ റോബര്‍ട്ട്, അസി.സ്ന്റ് ഇന്‍സ്പക്ടര്‍ സതീഷ്ബാബു, പ്രിവന്റീവ് ഓഫിസര്‍മാരായ പ്രദീപ്കുമാര്‍, രാജേഷ് കെ.എസ്, സിവില്‍ എക്‌സൈ് ഓഫിസര്‍മാരായ ഗരീഷ്‌കുമാര്‍, ബി.എസ് ബാബു എന്നിവരും സംഘത്തിലുണ്ടായിരുന്നു.