ആറ്റിങ്ങല്‍: വാളക്കാട് ജാമിഉല്‍ ഖൈറാത്തിന്റെ പ്രാരംഭം മുതല്‍ സജീവ പ്രവര്‍ത്തകനും ട്രസ്റ്റ് ഖജാന്‍ജിയും മൂന്ന് പതിറ്റാണ്ടുകാലം മുദരിസായി സേവനം അനുഷ്ഠിക്കുകയും ചെയ്ത വെമ്പായം നാസിറുദ്ദീന്‍ ഫൈസിയുടെ വിയോഗത്തില്‍ മത-സാമൂഹിക-സാംസ്‌കാരിക രംഗത്തെ പ്രമുഖര്‍ അനുശോചം അറിയിച്ചു.
ജനാസ നിസ്‌കാരത്തിനു ശേഷം പാവല്ല ജുമുആ മസ്ജിദില്‍ കൂടിയ അനുശോചന യോഗത്തില്‍ ജെ.കെ ട്രസ്റ്റ് ഭാരവാഹികളായ സെയ്ദ് മുഹമ്മദ് മൗലവി, പ്രിന്‍സിപ്പാള്‍ ആറ്റിങ്ങല്‍ അബ്ദുല്‍ അസീസ് മൗലവി, മന്നാനിയ്യ പ്രൊഫസര്‍ സുലൈമാന്‍ മൗലവി, കുന്നിക്കോട് അബ്ദുള്‍ റഹീം മൗലവി, ജമാഅത്ത് പ്രസിഡന്റ് അബ്ദുല്‍ മജീദ് , സെക്രട്ടറി മുസ്തഫ, അഡ്വ.റഫീക്, അബ്ദുല്‍ സമദ് ഹാജി, പള്ളിക്കല്‍ ഷറഫുദ്ദീന്‍ മൗലവി, ആനക്കല്‍ അബ്ദുല്‍ റഹിം മൗലവി തുടങ്ങിയവര്‍ സംസാരിച്ചു.
ഇന്ന് രാവിലെ പത്തിന് ജാമിഉല്‍ ഖൈറാത്തില്‍ പ്രത്യേക ദിക്ര്‍ ദുആ മജ്‌ലിസും അനുസ്മരണയോഗവും നടക്കും. കെ.പി.അബൂബക്കര്‍ ഹസ്‌റത്ത് നേതൃത്വം കൊടുക്കുമെന്ന് ഭാരവാഹികള്‍ അറിയിച്ചു.