പെരുമ്പാവൂര്‍: വെങ്ങോല പഞ്ചായത്തില്‍ കേന്ദ്രാവിഷ്‌കൃത ഫണ്ടുള്‍പ്പെടെ 13 കോടി രൂപയുടെ വികസന പദ്ധതികള്‍ സമയബന്ധിതമായി പൂര്‍ത്തീകരിച്ച് നടപ്പിലാക്കുമെന്ന് പഞ്ചായത്ത് അധികൃതര്‍ അറിയിച്ചു.
പഞ്ചായത്തില്‍ സെക്രട്ടറി തസ്തി ഒഴികെ മുഴുവന്‍ തസ്തികകളിലും നിയമനമായി. പദ്ധതി തുകയില്‍ മാറ്റം വന്നതിനാലും ഡാറ്റാ ക്രമീകരണം വൈകിയതുകൊണ്ടും അസി. എഞ്ചിനീയര്‍ നിര്‍വ്വഹിക്കേണ്ട പദ്ധതികളുടെ എസ്റ്റിമേറ്റ്പൂര്‍ണ്ണമാക്കാന്‍ അനുവാദം ലഭിക്കുന്നത് വൈകിയിരുന്നു. കഴിഞ്ഞ വര്‍ഷം 96 ലക്ഷം രൂപ പഞ്ചായത്തിന് നഷ്ടപ്പെട്ടതായി പരാതിയുയര്‍ന്നിരുന്നു. കഴിഞ്ഞ ഭരണസമിതി ആവിഷ്‌ക്കരിച്ച ഭവന പദ്ധതി തുടരുന്നതുകൊണ്ട് 86ലക്ഷം രൂപ ഭവന പദ്ധതിയിനത്തില്‍ ഈ വര്‍ഷം നല്‍കും.