പെരുമ്പാവൂര്‍: എസ്.കെ.എസ്.എസ്.എഫ് പെരുമ്പാവൂര്‍ മേഖല സഹചാരി സെന്റര്‍ സമര്‍പ്പണവും പൊതുസമ്മേളനവും നാളെ നടക്കും.
വൈകീട്ട് ഏഴിന് ചെറുവേലിക്കുന്നില്‍ നടക്കുന്ന പരിപാടി എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഷഫീഖ് തങ്ങള്‍ ഉദ്ഘാടനം ചെയ്യും. സംസ്ഥാന ജന.സെക്രട്ടറി സത്താര്‍ പന്തല്ലൂര്‍ മുഖ്യപ്രഭാഷണം നടത്തും. സംസ്ഥാന വൈസ് പ്രസിഡന്റ് മുഹമ്മദ് ഫൈസി ഓണംമ്പിള്ളി ആമുഖ പ്രഭാഷണം നടത്തും. മേഖല പ്രസിഡന്റ് റഷീദ് ഫൈസി അധ്യക്ഷത വഹിക്കും. കളമശ്ശേരി അല്‍ഹാദിയ ഇസ്‌ലാമിക് അക്കാദമി പ്രിന്‍സിപ്പല്‍ അബ്ദുല്‍ ഖാദര്‍ ഹുദവി മീലാദ് പ്രഭാഷണം നടത്തും.
ആതുര സേവന സാമഗ്രികള്‍ ഏറ്റുവാങ്ങല്‍ കര്‍മ്മം ഇന്നസെന്റ് എം.പി നിര്‍വ്വഹിക്കും. സഹചാരി സെന്റര്‍ ഫണ്ട് വിതരണോദ്ഘാടനം അഡ്വ. എല്‍ദോസ് കുന്നപ്പിള്ളി എം.എല്‍.എയും സ്‌നേഹതണല്‍ മേഖലതല ഫണ്ട് ഉദ്ഘാടനം വി.പി സജീന്ദ്രന്‍ എം.എല്‍.എയും നിര്‍വ്വഹിക്കും.