കോതമംഗലം: കാട്ടാനകളുടെ ആക്രമണത്തില്‍ രണ്ട് ആദിവാസികള്‍ക്ക് പരുക്ക്. പൂയംകുട്ടി വനമേഖലയിലെ പിണവൂര്‍ കുടി വെളിയത്ത് പറമ്പ് ഭാഗത്ത് താമസക്കാരായ ആഞ്ഞിലിമൂട്ടില്‍ സന്തോഷ്(28), ചിറക്കല്‍ വല്‍സലന്‍ (35) എന്നിവര്‍ക്കാണ് പരുക്കേറ്റത്.
വനത്തിനോട് ചേര്‍ന്ന് താമസിക്കുന്ന ഇവര്‍ വനവിഭവങ്ങള്‍ ശേഖരിക്കുന്നതിനായി രാവിലെ പുറത്തിയപ്പോള്‍ വീടിനു സമീപം വച്ച് എട്ടോളം ആനകളുള്ള കൂട്ടത്തിനു മുന്നില്‍പ്പെടുകയായിരുന്നു. ആ നകള്‍ പുറകെ എത്തിയതോടെ ഇവര്‍ പ്രാണരക്ഷാര്‍ഥം ഓടി രക്ഷപ്പെടുന്നതിനിടയിലാണ് രണ്ടു പേര്‍ക്കും പരുക്കേറ്റത്.
വിവരമറിഞ്ഞത്തിയ നാട്ടുകാര്‍ ആന കുട്ടത്തെ തുരത്തിയ ശേഷം പരിക്കേറ്റവരെ കോതമംഗലം താലൂക്ക് ആശുപത്രിയില്‍ എത്തിക്കുകയായിരുന്നു.