എടത്വ: ചക്കുളത്തുകാവ് പൊങ്കാലയോടനുബന്ധിച്ച് ക്രമസമാധാന ചുമതല വിലയിരുത്താന്‍ ക്ഷേത്രത്തില്‍ ഉന്നത പൊലിസ് ഉദ്യോഗസ്ഥരെത്തി. പത്തനംതിട്ട എസ്.പി ഹരിശങ്കറിന്റെ നേതൃത്വത്തിലുള്ള പൊലിസ് സംഘമാണ് ഇന്നലെ ചക്കുളത്തുകാവ് ഭഗവതിക്ഷേത്രം സന്ദര്‍ശിച്ചത്.
എസ്.പിക്കൊപ്പം തിരുവല്ല ഡിവൈ.എസ്.പി ആര്‍ രാമചന്ദ്രശേഖറും ഒപ്പമുണ്ടായിരുന്നു. 12നു നടക്കുന്ന പൊങ്കാലയുടെ നടത്തിപ്പിനെക്കുറിച്ച് ക്ഷേത്രഭാരവാഹികളുമായി ഉദ്യോഗസ്ഥര്‍ ചര്‍ച്ച നടത്തി.
പൊങ്കാല കടന്നുപോകുന്ന പ്രധാന വീഥികളിലുള്ള പൊലിസ് സ്റ്റേഷനിലെ പൊലിസുകാരേയും അഞ്ഞൂറിലധികം സ്‌പെഷല്‍ പൊലിസുകാരേയും ക്രമസമാധന ചുമതലയ്ക്കായി വിന്യസിക്കും.
പത്തനംതിട്ട, ആലപ്പുഴ എസ്.പിമാരുടെ മേല്‍നോട്ടത്തിലാണ് പൊലിസിനെ വിന്യസിക്കുന്നത്.
ക്ഷേത്ര മുഖ്യകാര്യദര്‍ശി രാധാകൃഷ്ണന്‍ നമ്പൂതിരി, ക്ഷേത്ര കാര്യദര്‍ശി മണിക്കുട്ടന്‍ നമ്പൂതിരി, അഡ്മിനിസ്‌ട്രേറ്റര്‍ കെ.കെ ഗോപാലകൃഷ്ണന്‍നായര്‍, തലവടി ഗ്രാമപഞ്ചായത്തംഗം അജിത്ത്കുമാര്‍ പിഷാരത്ത്, ഉത്സവകമ്മിറ്റി സെക്രട്ടറി സന്തോഷ്‌ഗോകുലം എന്നിവര്‍ ചര്‍ച്ചയില്‍ പങ്കെടുത്തു.