തുറവൂര്‍ :കടലിലെ തിരയില്‍പ്പെട്ടു മത്സ്യബന്ധന വള്ളം തകര്‍ന്നു. കുത്തിയതോട് ഗ്രാമപഞ്ചായത്ത് ഒന്നാം വാര്‍ഡില്‍ പള്ളിത്തോട് ജോണ്‍സന്റെ വള്ളമാണു തകര്‍ന്നത്.
മത്സ്യവുമായി പള്ളിത്തോട് ചാപ്പക്കടവ് ഹാര്‍ബറിലേക്ക് അടുക്കുമ്പോഴാണു തിരയില്‍പ്പെട്ടുവള്ളം തകര്‍ന്നത്. മത്സ്യവും വലയും നഷ്ടപ്പെട്ടു. എന്‍ജിനും തകര്‍ന്നു.
എഴുപത്തി അയ്യായിരം രൂപായുടെ നഷ്ടം കണക്കാക്കുന്നു. നഷ്ടപരിഹാരം ആവശ്യപ്പെട്ട് ജോണ്‍സണ്‍ ആലപ്പുഴ ഫിഷറീസ് ഡപ്യൂട്ടി ഡയറക്ടര്‍ക്ക് പരാതി നല്‍കി.