ആലപ്പുഴ : മൃഗസംരക്ഷണ മേഖലയിലെ മികച്ച കര്‍ഷകര്‍ക്ക് സംസ്ഥാനതലത്തിലും ജില്ലാ തലത്തിലും അവാര്‍ഡ് നല്‍കുന്നതിനു മൃഗസംരക്ഷണ വകുപ്പ് അപേക്ഷ ക്ഷണിച്ചു.
മികച്ച ക്ഷീരകര്‍ഷകന്‍, വാണിജ്യാടിസ്ഥാനത്തില്‍ ഏറ്റവും മികച്ച ഡയറി ഫാം, മികച്ച യുവ കര്‍ഷകന്‍, മികച്ച പൗള്‍ട്രി കര്‍ഷകന്‍, മികച്ച സമ്മിശ്ര കര്‍ഷകന്‍, വനിത സംരംഭക എന്നീ വിഭാഗത്തിലാണു സംസ്ഥാന അവാര്‍ഡ്. ജില്ലാതലത്തില്‍ മികച്ച ക്ഷീരകര്‍ഷകനും മികച്ച സമ്മിശ്ര കര്‍ഷകനും അവാര്‍ഡ് നല്‍കും.
വിശദവിവരം മൃഗാശുപത്രികളില്‍ ലഭ്യമാണ്. പൂരിപ്പിച്ച അപേക്ഷ 15നകം മൃഗാശുപത്രികളില്‍ നല്‍കണം.