കൊട്ടിയം: ബൈക്കിലെത്തിയവര്‍ 12 കാരനെ ക്രൂരമായി മര്‍ദിച്ചതായി പരാതി. മയ്യനാട് മുക്കം ക്രിസ്ത്യന്‍ പള്ളിയ്ക്ക് സമീപം ടി.എസ് ഭവനില്‍ വാട്‌സന്റെ മകന്‍ ആന്റണി വാട്‌സണ്‍(12) ആണ് മര്‍ദനത്തില്‍ പരുക്കേറ്റത്.
കഴിഞ്ഞദിവസം വൈകിട്ട് 6.30 ന് അനുജത്തി ആന്‍ട്രിയ യോടൊപ്പം സൈക്കിള്‍ നന്നാക്കാനായി പോകുമ്പോഴായിരുന്നു സംഭവം. ബൈക്കില്‍ എത്തിയ രണ്ടു പേര്‍ ചേര്‍ന്ന് ഇരുട്ട ഭാഗത്തേയ്ക്ക് മാറ്റി നിര്‍ത്തിയാണ് കുട്ടിയെ മര്‍ദിച്ചത്. ആന്റണി വാട്‌സണ്‍ ജില്ലാ ആശുപത്രിയില്‍ ചികിത്സയിലാണ്. ഇരവിപുരം പൊലിസിലും ജില്ലാ ചൈയില്‍ഡ് വെല്‍ഫെയര്‍ സൊസൈറ്റിയിലും പരാതി നല്‍കി.