കോട്ടയം: കോട്ടയം ടൗണില്‍ പൊലിസ് വാഹന പരിശോധനയില്‍ മദ്യപിച്ച് വാഹനം ഓടിച്ച രണ്ടുപേരെ പിടികൂടി. തൊടുപുഴ-മുവാറ്റുപുഴ റൂട്ടില്‍ സര്‍വിസ് നടത്തുന്ന മന്ദാരം ബസിലെ ഡ്രൈവര്‍ സന്തോഷ് പ്രഭാകരന്‍(31), കോട്ടയം പാലാ റൂട്ടില്‍ സര്‍വീസ് നടത്തുന്ന കിങ് ഓഫ് കിങ് ബസിലെ ഡ്രൈവര്‍ സാബു ജോസഫ്(42) എന്നിവരെയാണു ട്രാഫിക് പൊലിസ് പിടികൂടിയത്.
അമിത വേഗത്തില്‍ പാഞ്ഞ സ്വകാര്യ ബസുകള്‍ക്കെതിരേയും പൊലിസ് കേസെടുത്തിട്ടുണ്ട്. ആകെ 46 സ്വകാര്യ ബസുകളിലാണു പൊലിസ് പരിശോധന നടത്തിയത്. കഴിഞ്ഞ ദിവസം നാഗമ്പടം ബസ് സ്റ്റാന്‍ഡില്‍ സ്വകാര്യ ബസ് കയറി ബാലിക മരിക്കാനിടയായ സംഭവത്തെത്തുടര്‍ന്നാണു വ്യാപക പരിശോധന ആരംഭിച്ചത്.