മാഡ്രിഡ്: ചാമ്പ്യന്‍സ് ലീഗിലെ ഗ്രൂപ്പ് എഫില്‍ നടന്ന മത്സരത്തില്‍ റയല്‍ മാഡ്രിഡിന് സമനില. ബൊറുസിയ ഡോര്‍ട്ട്മുണ്ടാണ് റയലിനെ 2-2ന് സമനിലയില്‍ തളച്ചത്.

കരീം ബെന്‍സേമയാണ് റയലിന് വേണ്ടി ഇരു ഗോളുകളും നേടിയത്. സമനിലയോടെ ബൊറൂസിയ ഗ്രൂപ്പില്‍ ഒന്നാം സ്ഥാനത്തെത്തി.
കളിയുടെ ആദ്യ പകുതിയില്‍ റയലായിരുന്നു രണ്ട് ഗോളുകള്‍ക്ക് മുന്നില്‍. രണ്ടാം പകുതിയില്‍ ഔബമെയാംഗിലൂടെയും കളി അവസാനിക്കാന്‍ രണ്ടു മിനിറ്റ് ശേഷിക്കേ മാര്‍കോ റൂയിസിലൂടെയും ബൊറൂസിയ സമനില നേടുകയായിരുന്നു.