കോഴിക്കോട്: ക്രിസ്തുമസ്- പുതുവത്സരാഘോഷത്തോടനുബന്ധിച്ച് മദ്യം- മയക്കുമരുന്ന് എന്നിവയുടെ ദുരുപയോഗം കൂടുതലായി ഉണ്ടാവാന്‍ സാധ്യത ഉളളതിനാല്‍ വ്യാജമദ്യ, ലഹരി മരുന്ന് വിതരണവും, വിപണനവും ഫലപ്രദമായി തടയുന്നതിനായി ഡിസംബര്‍ അഞ്ചു മുതല്‍ 2017 ജനുവരി അഞ്ചുവരെ സ്‌പെഷ്യല്‍ എന്‍ഫോഴ്‌സ്‌മെന്റ് ഡ്രൈവ് നടക്കും. 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം കോഴിക്കോട് ഡിവിഷന്‍ ഓഫിസ് കേന്ദ്രമാക്കി പ്രവര്‍ത്തിച്ചുവരുന്നു. താഴെ പറയുന്ന കണ്‍ട്രോള്‍ റൂമിലും എക്‌സൈസ് ഓഫിസുകളിലും, ഓഫിസ് മേധാവികളുടെ മൊബൈല്‍ നമ്പറിലും പൊതുജനങ്ങള്‍ക്ക് പരാതി അറിയിക്കാം. പരാതിക്കാരുടെ പേരുവിവരം രഹസ്യമായി സൂക്ഷിക്കും. വിവരം നല്‍കുന്നവര്‍ക്ക് പാരിതോഷികങ്ങള്‍ നല്‍കും.