ചെന്നൈ: തമിഴ്‌നാട് മുഖ്യമന്ത്രി ഒ.പനീര്‍ശെല്‍വം, മറ്റ് മന്ത്രിമാര്‍, പാര്‍ട്ടിയിലെ മുതിര്‍ന്ന നേതാക്കള്‍ എന്നിവര്‍ ശശികല നടരാജനെ പൊയെസ് ഗാര്‍ഡനില്‍ സന്ദര്‍ശിച്ചു. എ.ഐ.എ.ഡി.എം.കെയുടെ തലപ്പത്തേക്ക് ശശികല വരുന്നുവെന്ന അഭ്യൂഹത്തിനിടയിലാണ് നേതാക്കളുടെ സന്ദര്‍ശനം. ഇപ്പോള്‍ പാര്‍ട്ടിയിലോ സര്‍ക്കാറിലോ ഒരുതരത്തിലുള്ള അധികാരവുമില്ലെന്നിരിക്കേ ശശികലയെ നേതാക്കള്‍ സന്ദര്‍ശിച്ചത് ശ്രദ്ധേയമാണ്.