കൊണ്ടോട്ടി: 2017 ലെ  ഹജ്ജ് അപേക്ഷാ ഫോറങ്ങള്‍ സൂക്ഷ്മ പരിശോധന നടത്തി ക്രോഡീകരിക്കുന്നതിനും  മറ്റും ഹജ്ജ് കമ്മറ്റി നിശ്ചയിക്കുന്ന ദിവസ വേതന അടിസ്ഥാനത്തില്‍ മൂന്ന്  മാസത്തേക്ക് താല്‍ക്കാലിക ജോലി ചെയ്യുന്നതിന് താല്‍പര്യമുള്ള  എസ്.എസ്.എല്‍.സിയോ അതിനു മുകളിലോ യോഗ്യതയുള്ള 40 വയസിന്  താഴെയുള്ള ഉദ്യോഗാര്‍ഥികളില്‍ നിന്ന് അപേക്ഷ ക്ഷണിച്ചു.
കംപ്യൂട്ടര്‍  പരിജ്ഞാനമുള്ളവര്‍ക്ക് മുന്‍ഗണന. താല്‍പ്യമുള്ളവര്‍ 17ന് ശനിയാഴ്ച 11  മണിക്ക് ബയോഡാറ്റയും യോഗ്യതയും തെളിയിക്കുന്ന സര്‍ട്ടിഫിക്കറ്റുകളുടെ  സാക്ഷ്യപ്പെടുത്തിയ പകര്‍പ്പും സഹിതം കരിപ്പൂര്‍ ഹജ്ജ് കമ്മറ്റി ഓഫിസില്‍  ഹാജരാകണം.
   ഹജ്ജ് അപേക്ഷകള്‍ പീസ് വര്‍ക്ക് അടിസ്ഥാനത്തില്‍ ഡാറ്റാ എന്‍ട്രി  നടത്തുന്നതിന് കംപ്യൂട്ടര്‍ സെന്ററുകള്‍, അക്ഷയ സെന്റര്‍, കുടംബശ്രീ, ഐ.ടി യൂനിറ്റുകള്‍  തുടങ്ങിയ ഏജന്‍സികളില്‍ നിന്ന് അപേക്ഷ ക്ഷണിച്ചു.
താല്‍പര്യമുളളവര്‍  ക്വട്ടേഷന്‍ 20ന് വൈകിട്ട്  മൂന്നിന്  മുന്‍പായി എക്‌സിക്യൂട്ടീവ് ഓഫിസര്‍, കേരള  സംസ്ഥാന ഹജ്ജ് കമ്മറ്റി, പി.ഒ.കാലിക്കറ്റ് എയര്‍പോര്‍ട്ട്, മലപ്പുറം എന്ന വിലാസത്തില്‍  അയക്കുകയോ നേരിട്ട്  എത്തിക്കുകയോ വേണം. ഫോണ്‍: 0483-2710717.