തിരുവനന്തപുരം: കണ്ണൂര്‍ ജില്ലയിലെ കല്ല്യാശേരിയില്‍ കേരള സ്റ്റേറ്റ് സിവില്‍ സര്‍വിസ് അക്കാദമിയുടെ ഉപകേന്ദ്രം ആരംഭിക്കുന്നതിന് മുന്നോടിയായി ഹൈസ്‌കൂള്‍, ഹയര്‍സെക്കന്‍ഡറി ഒന്നാംവര്‍ഷ ബിരുദ വിദ്യാര്‍ഥികള്‍ക്കുവേണ്ടി നാളെ സിവില്‍ സര്‍വിസ് ബോധവല്‍ക്കരണ സെമിനാര്‍ സംഘടിപ്പിക്കും. കല്ല്യാശേരി കെ.പി.ആര്‍ ഗോപാലന്‍ സ്മാരക ഗവ.ഹയര്‍സെക്കന്‍ഡറി സ്‌കൂളില്‍ നടക്കുന്ന സെമിനാര്‍ ഹൈസ്‌കൂള്‍ വിഭാഗത്തിന് രാവിലെ പത്ത് മണിമുതല്‍ ഒരു മണിവരെയും ഹയര്‍സെക്കന്‍ഡറി ഒന്നാംവര്‍ഷ ബിരുദ വിഭാഗത്തിന് ഉച്ചയ്ക്ക് രണ്ടുമണി മുതല്‍ വൈകുന്നേരം അഞ്ച് മണിവരെയുമാണ് സംഘടിപ്പിച്ചിട്ടുള്ളത്.