തിരുവനന്തപുരം: സംസ്ഥാന സഹകരണ കാര്‍ഷിക ഗ്രാമവികസന ബാങ്കിന്റെ വജ്രജൂബിലി ആഘോഷത്തിന് 14 ന് തുടക്കമാവുമെന്ന് പ്രസിഡന്റ് സോളമന്‍ അലക്‌സ് വാര്‍ത്താസമ്മേളനത്തില്‍ പറഞ്ഞു. ഒരു വര്‍ഷം നീണ്ടു നില്‍്ക്കുന്ന പരിപാടിയുടെ ഉദ്ഘാടനം ജവഹര്‍ സഹകരണ ഭവനില്‍ ഗവര്‍ണര്‍ ജസ്റ്റീസ് പി സദാശിവം നിര്‍വഹിക്കും. സഹകരണ ദേവസ്വം മന്ത്രി കടകംപള്ളി സുരേന്ദ്രന്‍ അധ്യക്ഷനാവും. കൃഷി മന്ത്രി വി.എസ് സുനില്‍കുമാര്‍, നബാര്‍ഡ് ചെയര്‍മാന്‍ ഡോ. ഹര്‍ഷ്‌കുമാര്‍ ഭന്‍വാല, പ്രതിപക്ഷ നേതാവ് രമേശ് ചെന്നിത്തല തുടങ്ങിയവര്‍ പങ്കെടുക്കും. വാര്‍ത്താ സമ്മേളനത്തില്‍ എം.ഡി ഡോ. സുരേഷ് ബാബു, ജനറല്‍ മാനേജര്‍ അപര്‍ണ പ്രതാപ് തുടങ്ങിയവര്‍ പങ്കെടുത്തു.