വടകര: കേരള ഉറുദു ടീച്ചേഴ്‌സ് അസോസിയേഷന്‍ 41ാം സംസ്ഥാന സമ്മേളനം ഫെബ്രുവരിയില്‍ വടകരയില്‍ നടക്കും. സമ്മേളനത്തിന്റെ ഭാഗമായി പൂര്‍വ അധ്യാപക-വിദ്യാര്‍ഥി സംഗമം, ഉറുദു സെമിനാര്‍, വിദ്യാഭ്യാസ സമ്മേളനം, ഗസല്‍ പ്രോഗ്രാം, യാത്രയയപ്പ് സമ്മേളനം, പ്രതിഭകളെ ആദരിക്കല്‍, പൊതുസമ്മേളനം എന്നിവ നടക്കും.
സമ്മേളനത്തിന്റെ വിജയകരമായ നടത്തിപ്പിനായുള്ള ജില്ലാ തല ആലോചനാ യോഗം അസോസിയേഷന്‍ സംസ്ഥാന സെക്രട്ടറി പി.കെ.സി മുഹമ്മദ് ഉദ്ഘാടനം ചെയ്തു. ജില്ലാ പ്രസിഡന്റ് സി.എം അബ്ദുല്‍ ലത്തീഫ് അധ്യക്ഷനായി.
വി.വി.എം ബഷീര്‍, പി.കെ ഷംസുദ്ദീന്‍, സലാം മലയമ്മ, സി.കെ ഫിര്‍ദൗസ്, കെ.പി സുരേഷ്, യൂനുസ് വടകര, പി.അബുലൈസ്, അബ്ദുള്ള പനാടേമ്മല്‍, കെ.കെ അബ്ദുല്‍ മജീദ്, മുഹമ്മദ് സജീര്‍, വിനൂപ്, എം.റഫീഖ് സംസാരിച്ചു.