കൊയിലാണ്ടി: കൊയിലാണ്ടി ബീച്ച് റോഡില്‍ കൊപ്ര പാണ്ടികശാല വളപ്പില്‍ പരേതനായ അബ്ദുള്ളയുടെ മകന്‍ നാസി യമന്‍സില്‍ അര്‍ഷദിന്റെ ജീവിതകഥ കരളലയിക്കുന്നതാണ്. രണ്ട് വൃക്കകളും പ്രവര്‍ത്തനരഹിതമായി ദുരിതജീവിതം നയിക്കുകയാണ് ഈ 26കാരന്‍.
ജേഷ്ഠന്‍ ജുനൈദ് രണ്ട് വൃക്കകളും പ്രവര്‍ത്തനരഹിതമായി നാട്ടില്‍ ജീവിതത്തോട് മല്ലടിക്കുന്ന വിവരമറിഞ്ഞ് ജേഷ്ഠനെ ശുശ്രൂഷിക്കാന്‍ ഗള്‍ഫില്‍ നിന്നും നാട്ടിലെത്തിയതായിരുന്നു അര്‍ഷദ്. ആശുപത്രിയില്‍ വച്ച് അര്‍ഷദിന് തലചുറ്റല്‍ ഉണ്ടാവുകയും പരിശോധനയില്‍ അര്‍ഷദിന്റെ രണ്ട് വൃക്കകളും പ്രവര്‍ത്തനരഹിതമാണന്ന പരിശോധന ഫലമാണ് ഈ ചെറുപ്പക്കാരന്റെ ജീവിതതാളം തെറ്റിച്ചിരിക്കുന്നത്. ജേഷ്ഠന്‍ ജുനൈദ് (37) കഴിഞ്ഞ ദിവസം മരണമടഞ്ഞു.
ബീഡി തൊഴിലാളിയായിരുന്ന അബ്ദുള്ളയുടെ മരണത്തെ തുടര്‍ന്ന് ഉമ്മയുടെയുംസഹോദരിയുടെയും ആശ്രയം ജുനൈദും അര്‍ഷദുമായിരുന്നു. ജുനൈദ് യാത്രയായി, അര്‍ഷദ് കിടപ്പിലുമായി. അര്‍ഷദിനെയും കുടുംബത്തെയും സഹായിക്കാന്‍ നഗരസഭാ കൗണ്‍സിലര്‍ വി.പി ഇബ്രാഹിംക്കുട്ടി ( ചെയര്‍മാന്‍) പി.പി.വി സുബൈര്‍ (കണ്‍വീനര്‍) എ.കെ അഷ്‌റഫ് മാസ്റ്റര്‍ (ട്രഷറര്‍) ഭാരവാഹികളായി സഹായ കമ്മിറ്റി രൂപീകരിച്ചു പ്രവര്‍ത്തനം ആരംഭിച്ചിട്ടുണ്ട്. സഹായങ്ങള്‍ കോര്‍പറേഷന്‍ ബേങ്ക്, കൊയിലാണ്ടി ബ്രാഞ്ച്. അക്കൗണ്ട് നമ്പര്‍ 9 3600100 2854 ( ഐ.എഫ്.സി. കോഡ്: ഇീൃു:000 1936 ഫോണ്‍: 9446646299 , 949576050 5 ,9946468545.