കോഴിക്കോട്: വെല്‍ഫെയര്‍ പാര്‍ട്ടി നാളെ മുതലക്കുളം മൈതാനിയില്‍ ജനാധിപത്യ പ്രതിരോധം സംഘടിപ്പിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. വൈകിട്ട് 3.30ന് നടക്കുന്ന സംഗമത്തില്‍ ജെ.എന്‍.യുവില്‍ നിന്ന് കാണാതായ വിദ്യാര്‍ഥി നജീബിന്റെ സഹോദരി സദഫ് മുഷ്‌റഫും അഭിഭാഷകനായ പര്‍വേസ് ആലമും പങ്കെടുക്കും. ദേശീയ ജനറല്‍ സെക്രട്ടറി പി.സി ഹംസ ഉദ്ഘാടനം ചെയ്യും. വാര്‍ത്താസമ്മേളനത്തില്‍ സംസ്ഥാന കമ്മിറ്റിയംഗം ടി. മുഹമ്മദ് വേളം, പി.സി ഭാസ്‌കരന്‍, ജില്ലാ വൈസ് പ്രസിഡന്റ് പി.സി മുഹമ്മദ് കുട്ടി, സെക്രട്ടറി മുസ്തഫ പാലാഴി പങ്കെടുത്തു.