പേരൂര്‍ക്കട: പുത്തന്‍പാലം സ്വദേശി വിഷ്ണുവിന്റെ കൊലപാതകവുമായി ബന്ധപ്പെട്ട് ഡിനി ബാബു പിടിയിലായത് മറ്റൊരു കൊലപാതകം ആസൂത്രണം ചെയ്യുന്നതിനിടെ.
പുത്തന്‍പാലം സ്വദേശിയായ ഒരു വക്കീലിനെ കൊലപ്പെടുത്താനുള്ള കരുനീക്കങ്ങള്‍ നടത്തുന്നതിനിടെയാണ് ഇയാള്‍ ഷാഡോ പൊലിസിന്റെ പിടിയിലായത്.
കഴിഞ്ഞ ഒക്ടോബര്‍ ഏഴിനായിരുന്നു വിഷ്ണുവിനെ കൊന്നത്. ആക്രമണത്തില്‍ വിഷ്ണുവിന്റെ മാതാവിനും മാതൃസഹോദരിക്കും വെട്ടേറ്റിരുന്നു. 2015ല്‍ ഡിനിയുടെ സഹോദരന്‍ സുനിലിനെ , ഗുണ്ട പുത്തന്‍പാലം രാജേഷും സംഘവും കൊലപ്പെടുത്തിയിരുന്നു.ഇതിലുള്ള വൈരാഗ്യമാണ് വിഷ്ണു വധത്തിനു കാരണമായത്. കൊല്ലപ്പെട്ട വിഷ്ണു ഗുണ്ടയായ പുത്തന്‍പാലം രാജേഷിന്റെ ബന്ധുവാണ്. രാജേഷുമായി ബന്ധമുള്ള വക്കീലിനെ വധിക്കുന്നതിനായിരുന്നു ഇപ്പോഴത്തെ നീക്കം. അത് ഏതാണ്ട് വിജയിക്കുമെന്ന ഘട്ടമെത്തിയപ്പോഴാണ് ഡിനി പിടിയിലായത്.
ഡിനിയും മറ്റു രണ്ടുപേരും കൂടി പിടിയിലായതോടെ വിഷ്ണു വധക്കേസില്‍ എട്ടുപേര്‍ അറസ്റ്റിലായി.