ശാസ്താംകോട്ട: മെമ്പര്‍ഷിപ്പവിതരണവുമായി ബന്ധപ്പെട്ടെത്തിയ കെ.എസ്.യു പ്രവര്‍ത്തകനെ സ്‌കൂള്‍ വളപ്പില്‍ ഒരുകൂട്ടം വിദ്യാര്‍ഥികള്‍ ക്രൂരമായി മര്‍ദിച്ചതായി പരാതി.
കിഴക്കേകല്ലട മാര്‍ത്താണ്ഡപുരം അനില്‍ സദനത്തില്‍ ആരോമലി(20)നാണ് ക്രൂരമായി മര്‍ദനമേറ്റത്. പരുക്കേറ്റ ആരോമലിനെ ശാസ്താംകോട്ട താലൂക്കാശുപത്രിയില്‍ പ്രവേശിപ്പിച്ചു.
ഇന്നലെ രാവിലെ പത്തോടെ കിഴക്കേകല്ലട ചീക്കന്‍കടവ് കെ.പി.എസ്.പി.എം വൊക്കേഷണല്‍ ഹയര്‍സെക്കന്ററി സ്‌കൂളിലായിരുന്നു സംഭവം. സുഹൃത്തിനൊപ്പം കെ.എസ്.യുവിന്റെ മെമ്പര്‍ഷിപ്പ് വിതരണത്തിനായി സ്‌കൂളിലേക്കെത്തിയ ആരോമലിനെ മുപ്പതംഗ വിദ്യാര്‍ഥി സംഘം പ്രകോപനം കൂടാതെ വളഞ്ഞിട്ട് മര്‍ദിക്കുകയായിരുന്നു. എസ്.എഫ്.ഐക്കാരാണ് ആക്രമണത്തിന് പിന്നിലെന്ന് പറയപ്പെടുന്നു. കിഴക്കേകല്ലട പൊലിസ് കേസെടുത്തു.