വാഷിങ്ടണ്‍: ഇറാഖിലും സിറിയയിലുമായി യു.എസ് സഖ്യസേന നടത്തിയ ആക്രമണത്തില്‍ അരലക്ഷം ഐ.എസ് ഭീകരര്‍ കൊല്ലപ്പെട്ടതായി യു.എസ് സൈനികര്‍ പറഞ്ഞു.

പ്രദേശിക സൈനികരുടെ പിന്തുണ ഐ.എസിനു ലഭിക്കുന്നുണ്ടെന്നാണ് യു.എസ് സേന പറയുന്നത്. കൊല്ലപ്പെട്ടെങ്കിലും എപ്പോള്‍ വേണമെങ്കിലും ഐ.എസിന് ഇത്രയും പേരെ ചേര്‍ക്കാനാവുമെന്നും യു.എസ് മുന്നറിയിപ്പു നല്‍കുന്നു.

ഐ.എസില്‍ നിന്ന് ഇറാഖ് സൈന്യം പിടിച്ചെടുക്കാന്‍ ശ്രമിക്കുന്ന മൊസൂള്‍ നഗരത്തിനു വേണ്ടി സഖ്യസേനയുടെ നേതൃത്വത്തില്‍ വ്യോമാക്രമണം ശക്തമാക്കുമെന്നും യു.എസ് അറിയിച്ചു.

ഐ.എസ് ശക്തിപ്പെട്ട 2014 മുതല്‍ നടത്തിയ ആക്രമങ്ങളിലാണ് അരലക്ഷം ഭീകരര്‍ കൊല്ലപ്പെട്ടത്. ഇന്ന് യു.എസിനു പുറമേ, റഷ്യന്‍, ടര്‍ക്കിഷ്, ഇറാഖി, സിറിയന്‍, കുര്‍ദിഷ് സൈനികരും ഇപ്പോള്‍ ഐ.എസിനെതിരെ ആക്രമണം നടത്തുന്നുണ്ട്. ഇതിന്റെ കണക്ക് ഇപ്പോള്‍ ലഭ്യമല്ല.