ചങ്ങരംകുളം: മഴ ലഭിക്കാത്തതിനെത്തുടര്‍ന്ന് ആലങ്കോട് മുണ്ടകന്‍ കൃഷി നശിക്കുന്നു. തരിശായി കിടന്നിരുന്ന പാടത്ത് ലക്ഷക്കണക്കിന് രൂപ ചെലവഴിച്ചാണ് പലരും കൃഷിയിറക്കിയത്. കടുത്ത വരള്‍ച്ച നേരിടുന്ന പാടത്ത് നെല്‍കൃഷി സംരക്ഷിക്കാന്‍ ലക്ഷങ്ങള്‍ ചെലവിടേണ്ട അവസ്ഥയിലാണ് കര്‍ഷകര്‍. പലരും സ്വകാര്യവ്യക്തിയുടെ കിണറുകളില്‍ നിന്ന് പമ്പ് ചെയ്താണ് കൃഷിയിറക്കുന്നത്. ഇതുമൂലം പല കിണറുകളും വറ്റാനും തുടങ്ങിയിട്ടുണ്ട്. മേഖയില്‍ യുവാക്കളടക്കം നിരവധി പേരാണ് കൃഷിയിലേക്ക് വന്നത്. ജലലഭ്യതയിലെ കുറവ് യുവകര്‍ഷകരെയും നിരാശരാക്കുകയാണ്.