കോട്ടക്കല്‍: എടരിക്കോട് ടെക്‌സറ്റയില്‍സ് പൂട്ടിക്കിടന്നിട്ട് ഒന്നര മാസമായിട്ടും തുറന്നുപ്രവര്‍ത്തിക്കുവാന്‍ വേണ്ട ധനസഹായമോ നടപടിയോ സര്‍ക്കാരിന്റെ ഭാഗത്ത്‌നിന്നുണ്ടാകാത്തതില്‍ എടരിക്കോട് ടെക്‌സ്റ്റയില്‍സ് എംപ്ലോയീസ് ഓര്‍ഗനൈസേഷന്‍ മുപ്പതാം വാര്‍ഷിക ജനറല്‍ബോഡി യോഗം ആശങ്ക രേഖപ്പെടുത്തി.
കഴിഞ്ഞ മൂന്നുമാസമായി തൊഴിലാളികള്‍ക്ക് ശമ്പളം ലഭിക്കുന്നില്ല. ഇതിനുപുറമെ ശമ്പളത്തില്‍നിന്നു പിടിച്ച കുടിശ്ശിക 5 കോടി രൂപ വേറെയുമുണ്ട്. മില്‍ തുറക്കുന്നതിനുള്ള അടിയന്തിരനടപടി സര്‍ക്കാര്‍ സ്വീകരിക്കണമെന്ന് യോഗം ആവശ്യപ്പെട്ടു. എടരിക്കോട് പഞ്ചായത്ത് വൈസ് പ്രസിഡന്റ് വി.ടി സുബൈര്‍ തങ്ങള്‍ സമ്മേളനം ഉദ്ഘാടനം ചെയ്തു. സിദ്ദീഖ് പൊട്ടിപ്പാറ അധ്യക്ഷനായി. ഭാരവാഹികള്‍: അബ്ദുറഹ്മാന്‍ രണ്ടത്താണി (പ്രസിഡന്റ്), സിദ്ധീഖ് പൊട്ടിപ്പാറ (വര്‍. പ്രസിഡന്റ്), ടി.സി അബൂബക്കര്‍, വി.പി കുഞ്ഞാലി, കെ മൊയ്തീന്‍കുട്ടി (വൈസ് പ്രസിഡന്റ്), സിദ്ദീഖ് താനൂര്‍ (ജന.സെക്രട്ടറി), പി.കെ ഷാഫി, ടി അലി, കെ ഷൗക്കത്തലി (ജോ. സെക്രട്ടറി), പി മൂസക്കുട്ടി (ട്രഷറര്‍).