പരപ്പനങ്ങാടി: എസ്.കെ.എസ്.എസ്.എഫ് സംസ്ഥാനകമ്മിറ്റി നടപ്പിലാക്കിയ കോസ്റ്റല്‍കെയര്‍ പദ്ധതിയുടെ രണ്ടാംഘട്ട പ്രവര്‍ത്തനമായ പാരന്റിങ് മീറ്റ് ഇന്ന് വൈകീട്ട് 6.30 ന് പരപ്പനങ്ങാടി അരയന്‍കടപ്പുറം മിസ്ബാഹുല്‍ ഹുദാ കേന്ദ്ര മദ്‌റസയില്‍ നടക്കും. തീരദേശവാസികള്‍ക്ക് ലഭിക്കേണ്ട ആനുകൂല്യങ്ങളെക്കുറിച്ചും വിദ്യാഭ്യാസ പുരോഗതിയെക്കുറിച്ചും അവബോധമുണ്ടാക്കുന്നതിനായാണ് പാരന്റിങ് മീറ്റ് സംഘടിപ്പിക്കുന്നത്.
ട്രെന്‍ഡ് ആര്‍.പി അഷ്‌റഫ് മലയില്‍ പദ്ധതികള്‍ വിശദീകരിക്കും. എസ്.കെ.എസ്.എസ്.എഫ് മേഖലാ കമ്മിറ്റി സംഘടിപ്പിക്കുന്ന പരിപാടിയില്‍ തീരദേശത്തെ ആവിയില്‍ബീച്ച് മുതല്‍ കടലുണ്ടിനഗരം വരെയുള്ള മദ്‌റസകളിലെ രക്ഷിതാക്കള്‍ പങ്കെടുക്കും.