പൊന്നാനി: നടുറോഡില്‍ പെണ്‍കുട്ടികളെ അപമാനിക്കാന്‍ ശ്രമിച്ച മധ്യവയസ്‌കനെ നാട്ടുകാര്‍ കൈകാര്യം ചെയ്തു. പൊന്നാനി ചമ്രവട്ടം ജങ്ഷനിലാണ് സംഭവം.
നഗരത്തിലെ പ്രധാന സ്‌കൂളിലെ രണ്ടു പെണ്‍കുട്ടികള്‍ തവനൂര്‍ ഭാഗത്തേക്കു നടന്നുവരുമ്പോള്‍ ഒരാള്‍ തടഞ്ഞുനിര്‍ത്തി തലയില്‍ തലോടാന്‍ ശ്രമിച്ചതോടെ പെണ്‍കുട്ടി തടഞ്ഞു. ഇതു കണ്ട ഓട്ടോറിക്ഷാ ഡ്രൈവര്‍മാര്‍ ഇയാളെ കൈകാര്യം ചെയ്യുകയായിരുന്നു. ചോദ്യം ചെയ്തപ്പോള്‍ പെണ്‍കുട്ടികളുടെ തല ഉഴിഞ്ഞതാണെന്ന് ഇയാള്‍ വിശദീകരിച്ചതോടെ നാട്ടുകാര്‍ വീണ്ടും കൈകാര്യം ചെയ്തു. പെണ്‍കുട്ടികളെ നാട്ടുകാര്‍ സമാധാനിപ്പിച്ചതിനു ശേഷമാണ് പറഞ്ഞയച്ചത്.