കണ്ണൂര്‍: ഡോ. എ.പി.ജെ അബ്ദുല്‍കലാം സെന്റര്‍ ഫോര്‍ ഡവലപ്‌മെന്റ് കേരളയുടെയും ബി.ജെ.പി ജില്ലാകമ്മിറ്റിയുടെയും ആഭിമുഖ്യത്തില്‍ 'ഡിജിറ്റല്‍ കണ്ണൂര്‍' കറന്‍സി രഹിത സമൂഹം എന്ന ക്യാംപയിന്റെ ഭാഗമായി ബോധവല്‍ക്കരണ പരിപാടി നടത്തി.
തെക്കിബസാര്‍, പഴയ ബസ്റ്റാന്‍ഡ് തുടങ്ങിയ സ്ഥലങ്ങളില്‍ വ്യാപാരികള്‍ക്കും പൊതുജനങ്ങള്‍ക്കും മൊബൈല്‍ ബാങ്കിങ്ങിനെക്കുറിച്ചും സൈ്വപ്പിങ് മെഷിനേക്കുറിച്ചും ബോധവല്‍ക്കരണം നടത്തി.
സംസ്ഥാന സെല്‍ കണ്‍വീനര്‍ കെ രഞ്ജിത് ഉദ്ഘാടനം ചെയ്തു. പി സത്യപ്രകാശ്, പി.കെ വേലായുധന്‍, വി.വി ചന്ദ്രന്‍, കൂട്ട ജയപ്രകാശ്, കെ രാധാകൃഷ്ണന്‍, വിജയന്‍ വട്ടിപ്രം, എ.ഒ രാമചന്ദ്രന്‍, പി.എ റിത്തേഷ്, കെ പ്രശോഭ്, ബിനില്‍ കണ്ണൂര്‍, കെ രതീഷ്, ടി ബിജു നേതൃത്വം നല്‍കി.