തലശ്ശേരി: ഹൈസ്‌കൂള്‍ വിഭാഗം ഒപ്പനയില്‍ എളയാവൂര്‍ സി.എച്ച്.എം ഹയര്‍ സെക്കന്‍ഡറി സ്‌കൂള്‍ എ ഗ്രേഡോടെ ഒന്നാം സ്ഥാനം നേടി. ഫാത്തിമാ ബീവിയുടെയും അലിയാര്‍ തങ്ങളുടെയും ജീവിത ചരിത്രം ഇമ്പമാര്‍ന്ന ഈരടികളിലൂടെ അവതരിപ്പിച്ചാണ് സി.എച്ച്.എം 16 ടീമുകളെ പിന്തള്ളിയത്. അബ്ദുല്ല എരിക്കോട് പരിശീലിപ്പിച്ച സംഘം 14 വര്‍ഷത്തിനു ശേഷമാണ് ഒപ്പനയില്‍ ഒന്നാം സ്ഥാനം തിരിച്ചുപിടിച്ചത്. ഫാത്തിമത്ത് സുമയ്യ, നേഹ, നന്ദനാഥ്, റാഫിയ, പര്‍വീണ്‍, ഹബീബ, ശാലിമ, ശബ്ല, ഫിദ, ആയിശ, ഫാത്തിമ എന്നിരടങ്ങിയതാണ് ടീം.