തിരുവനന്തപുരം: കടുവയില്‍ തങ്ങള്‍ ചാരിറ്റബള്‍ ട്രസ്റ്റിന്റെ കീഴിലെ 12 ദിവസം നീണ്ടുനില്‍ക്കുന്ന നബിദിനാഘോഷത്തിന്റെ ഭാഗമായി നടന്ന പൊതുസമ്മേളനം മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്തു.
കെ.ടി.സി.ടി ചെയര്‍മാന്‍ പി.ജെ നഹാസ് അധ്യക്ഷനായി. നബിദിനവുമായി ബന്ധപ്പെട്ട് കടുവയില്‍ ട്രസ്റ്റ് ചെയ്യുന്ന സേവനങ്ങളും പ്രവര്‍ത്തനങ്ങളും മഹത്തരമാണെന്നു മന്ത്രി പറഞ്ഞു. ചടങ്ങില്‍ പി.സി ജോര്‍ജ് എം.എല്‍.എ, വി. ജോയി എം.എല്‍.എ, സി.പി ജോണ്‍, വര്‍ക്കല കഹാര്‍, ജി. സത്യശീലന്‍, പി.ആര്‍ രാജീവ്, ബി.എസ് രാജീവ്, ഷാഹുല്‍ ഹമീദ് മുന്‍ഷി, എ. നഹാസ്, ഇ. ഫസിലുദ്ദീന്‍, എ.എം.എ റഹീം, എം.എസ് ഷെഫീര്‍, എ. അഫ്‌സല്‍, മുഹമ്മദ് റാഫി, വലിയവിള സമീര്‍, എം.കെ സൈനുലാബ്ദീന്‍, എന്‍. ഷിജു, എം. അബ്ദുല്‍മനാഫ് തുടങ്ങിയവര്‍ സംസാരിച്ചു. കെ.ടി.സി.ടി സൗജന്യമായി നിര്‍മ്മിച്ചു നല്‍കിയ വീടുകളുടെ താക്കോല്‍ദാനവും മന്ത്രി നിര്‍വ്വഹിച്ചു. വിദ്യാര്‍ഥികള്‍ക്കും അധ്യാപകര്‍ക്കുമുള്ള അവാര്‍ഡുകളും മറ്റു പുരസ്‌കാരങ്ങളും ചടങ്ങില്‍ വിതരണം ചെയ്തു.