ആറ്റിങ്ങല്‍: മുദാക്കല്‍ പാറയടി ഉമാമഹേശ്വര ക്ഷേത്രത്തില്‍ കവര്‍ച്ച.
കഴിഞ്ഞ ദിവസം രാത്രി ക്ഷേത്ര ഓഫീസ് കുത്തിത്തുറന്ന് ഷെല്‍ഫില്‍ സൂക്ഷിച്ചിരുന്ന 15,000 രൂപ സ്വര്‍ണ പൊട്ടുകള്‍, നെക്ലസ്, ചന്ദ്രക്കല തുടങ്ങിയവയാണ് കവര്‍ന്നത്.
രാവിലെ ക്ഷേത്രം തുറക്കാന്‍ എത്തിയപ്പോഴാണ് ജീവനക്കാര്‍ കവര്‍ച്ച നടന്ന വിവരം അറിഞ്ഞത്. ഉടന്‍തന്നെ പൊലിസില്‍ വിവരം അറിയിക്കുകയായിരുന്നു. ഒന്നരലക്ഷം രൂപയുടെ നഷ്ടമുണ്ടെന്ന് ക്ഷേത്ര ഭാരവാഹികള്‍ പറഞ്ഞു. ആറ്റിങ്ങല്‍ പൊലിസ് കേസെടുത്തു.